Herritar guztiei zuzenduta dago, eta honako helburu hauek ditu: herritarren eskaerak jasotzea eta herritarren gizarte-arazoei lehen erantzuna ematea, gizarte-babeseko sistemetako prestazioetarako sarbidea erraztea, eta oinarrizko gizarte-zerbitzuaren gainerako programetarako sarbidea ematea (lehen balorazioa, informazioa, prestazioak, beste sistema batzuetarako sarbidea, bideratzea, koordinazioa, prestazioen izapidetzea, gizarte-partaidetza sustatzea, etab.)

Baliabideak:
Gizarte Langile bat, Gizarte Hezitzaile bat eta Administrari bat, eremu orokorreko Gizarte Zerbitzuen Karteraren arabera bermatutako prestazio teknikoei erantzuteko:

• Harrera: erabiltzailearekin lehen harremana, planteatutako beharraren balorazioa egin eta erantzuna emateko.
• Gizarte-orientazioa eta banakako/familiako aholkularitza.
• Balorazio soziala, erabiltzaileek planteatutako premia-egoera identifikatzeko.
• Diagnostiko soziala edo irizpen profesionala.
• Oinarrizko Gizarte Zerbitzuaren Lehen Mailako Arretako gainerako Programetara bideratzea.
• Beste zerbitzu espezializatu batzuetara bideratzea.
• Landutako egoeraren bilakaera ezagutzeko egindako esku-hartzeen jarraipena.
• Prestazioak izapidetzea, Gizarte Zerbitzuen Sistemako eta gizarte-babeseko beste sistema batzuetako prestazio ekonomiko eta teknikoetarako sarbidea bermatuz.
• Komunitatearen arrisku-egoerak eta beharrak ezagutzea.
• Pertsonei eta taldeei eragiten dieten arazoei buruzko jarrera positiboak eta sentsibilizazioa sustatzeko beste jarduera batzuk.

Gizarte Zerbitzuei buruzko abenduaren 14ko 15/2006 Foru Legearen, Gizarte Zerbitzuen Zorroa onartzen duen ekainaren 17ko 69/2008 Foru Dekretuaren eta Barne Araudiaren arabera aplikatutako araudia.